Haqqımızda

Şirkətimiz gömrük rəsmiləşdirilməsi və beynəlxalq ticarət sahəsində etibarlı tərəfdaşdır. Peşəkar mütəxəssislərdən ibarət komandamız müştərilərimizə sürətli, şəffaf və qanunvericiliyə tam uyğun xidmətlər təqdim edir.

Üstünlüklərimiz:

• 10 ildən çox gömrük rəsmiləşdirilməsi və nümayəndəlik sahəsində təcrübə;
• Peşəkar komanda;
• Tam xidmət paketi: “qapıdan qapıya” gömrük nümayəndəlik xidməti;
• 24/7 müştəri dəstəyi və operativ məsləhət;
• Geniş əhatə dairəsi: hava limanları, dəniz limanları, sərhəd keçid məntəqələri və gömrük idarələri;
• Çoxşaxəli təcrübə: kənd təsərrüfatı, tekstil, neft-qaz, tikinti, qida, avtomobil və digər sektorlar üzrə müştərilərlə iş.

Biz gömrük və ticarət sahəsində geniş çeşidli həllər təqdim edirik, o cümlədən:

• • İdxal, ixrac, tranzit və re-eksport üzrə gömrük rəsmiləşdirilməsi;
  • Gömrük bəyannamələrinin hazırlanması və təqdim edilməsi;
  • Gömrük və beynəlxalq ticarət üzrə məsləhət xidmətləri;
  • Lisenziyaların, sertifikatların, icazə və rəylərin alınması;
  • Gömrük ekspertizası və yük müşayiət sənədlərinin hazırlanması;
  • Gömrük terminalı və müvəqqəti saxlanc anbar xidmətləri;
  • Kuryer və daxili daşıma xidmətləri.

Biz xidmətlərin operativ və effektiv şəkildə göstərilməsini təmin etmək məqsədilə əsas strateji lokasiyalarda fəaliyyət göstəririk:

• Hava limanları: Heydər Əliyev Beynəlxalq Hava Limanı;
• Dəniz limanları: Ələt Beynəlxalq Dəniz Ticarət Limanı, Hövsan Dəniz Ticarət Limanı;
• Sərhəd ofisləri: Astara (AZ–İR), Xaçmaz (AZ–RU), Qazax (AZ–GEO);
• Gömrük idarələri: Bakı Baş Gömrük İdarəsi, Hava Nəqliyyatı, Dəniz Nəqliyyatı və Enerji Resursları Baş Gömrük İdarəsi, Xaçmaz, Gəncə, Tovuz, Balakən, Astara, Biləsuvar və Sumqayıt Gömrük İdarələri.

Biz biznesinizin beynəlxalq ticarətdə etibarlı şəkildə irəliləməsi üçün şəffaf, təhlükəsiz və effektiv həllər təqdim edirik.